بٹ خیلہ (مانند نیوز)پیران ملاکنڈ کے عوام کا سوئی گیس کنکشن فراہمی کے لیے سڑکوں پر نکل آئیں مظاہرین نے پیران کے مقام پر جی ٹی روڈ پر مطالبات کے حق میں نعرے بازے کی، جبکہ لنک روڈ کو ہرقسم ٹریفک کے لیے بند کردیا، مظاہرین سے خطاب کرتے ہوئے پی ٹی آئی کے سابق تحصیل ناظم پیر صفدر شاہ، آل چئیرمین اینڈ کونسلر اتحاد بٹ خیلہ کے صدر پیر عظمت شاہ، جماعت اسلامی کے ڈاکٹر خورشید علی اور شاہ باچا وغیرہ نے کہا کہ بٹ خیلہ سے ملاکنڈ پیران تک کئی سال پہلے کروڑوں روپے کی سوئی گیس پائپ لائن بچائی گئی ہے مگر اس سے ابھی تک عوام کو کنکشن فراہم نہیں ہوئی جس کی وجہ سے بچھائی گئی پائپ لائن زنگ آلود ہورہی ہے، انہوں نے وفاقی حکومت، پاک آرمی اور ڈی سی ملاکنڈ سے مطالبہ کیا کہ پیران کے عوام کو کنکشن فراہم کیا جائے بصورت دیگر علاقہ کے عوام دوبارہ سڑکوں پر نکل کر مین شاہراہ کو بلاک کریں گے جس کی تمام تر ذمہ داری سوئیگیس حکام پر ہوگی۔