پشاور( مانند نیوز)غیر سرکاری تنظیم ساتھ سب کا ڈویلپمنٹ آرگنائزیشن مردان کے بانی ڈاکٹر ایمل مہمند کی جانب سے ضلع مردان کے مختلف یونین کونسلوں میں رمضان راشن پیکج کی تقسیم جاری ہے۔راشن پیک میں روزمرہ اشیاء ضرورت شامل ہیں۔اس کے علاوہ عید کے لئے نقد رقم بھی تقسیم کی جارہی ہے۔رمضان راشن پیکج کی ترسیل و تقسیم کے لئے خصوصی ٹیمیں تشکیل دی گئی ہیں جو ضلع بھر کے مختلف یونین کونسلوں میں بھیجی جاتی ہیں۔ساتھ سب کا ڈویلپمنٹ آرگنائزیشن کے بانی ڈاکٹر ایمل مہمند اور چئیر مین تیمور خان مہمندنے کہا کہ دکھی انسانیت کی خدمت بہترین عمل ہے، انسانیت کی بے لوث خدمت سے خدا کی خوشنودی حاصل کی جا سکتی ہے، نبی کریمﷺ کی یہی تعلیم ہے، آپ کو اس پر عمل کرنا چاہیے۔