پشاور( مانند نیوز)غیر سرکاری تنظیم ساتھ سب کا ڈویلپمنٹ آرگنائزیشن مردان کے آفس میں باجوڑ سانحے کے شہداء کی بلندی درجات، زخمیوں کی جلد صحتیابی اور ملک و قوم کی سلامتی کیلئے قرآن خوانی اور دعا کا اہتمام کیا گیا، اس موقع پر ساتھ سب کا ڈویلپمنٹ آرگنائزیشن مردان کے بانی ڈاکٹر ایمل مہمندنے باجوڑ سانحے کی شدید مذمت کرتے ہوئے حکام پر زور دیا ہے کہ اس سانحہ میں ملوث افراد کو انصاف کے کٹہرے میں کھڑا کیا جائے،سانحہ باجوڑ بربریت کی انتہا ہے جس کی جتنی مذمت کی جائے کم ہے۔انہوں نے کہا کہ سانحہ باجوڑ پر پوری قوم افسردہ ہے، ڈاکٹر ایمل مہمندنے متاثرہ افراد کے اہل خانہ سے تعزیت اور زخمیوں کی جلد صحت یابی کے لیے نیک خواہشات کا اظہار کرتے ہو ئے کہا کہ شہداء کا خون رائیگاں نہیں جائے گا۔