اسلام آباد(مانند نیوز ڈیسک)وفاقی حکومت نے بھارت سے پاکستان آنے والی خاتون انجو کے ویزے میں ایک سال کی توسیع کردی ہے۔فاطمہ کے شوہراورضلع دیربالا کے رہائشی نصراللہ کا وڈیو بیان وائرل ہوا ہے۔ جس میں انجو سے شادی کرنے والے نصراللہ کا کہنا ہے کہ وزرات داخلہ کی جانب سے مانگی گئیں دستاویزات فراہم کردیئے ہیں،پاکستان کے تمام ادارے اورمحکمے بھرپوراندازمیں تعاون کر رہے ہیں۔ ان کا کہنا ہے کہ پچھلی دفعہ فاطمہ کے ویزے میں دوماہ کی توسیع کی گی تھی،شادی کے بعد اب فاطمہ کے ویزے میں مزید ایک سال کی توسیع ہوئی ہے۔بھارتی خاتون انجو 22 جولائی کوخیبرپختونخواکے ضلع دیربالا پہنچی تھی۔دیربالاکے رہائشی نصراللہ اوربھارتی خاتون انجو کی سوشل میڈیا پر دوستی ہوئی تھی۔