واشنگٹن(مانند نیوز ڈیسک)امریکی یونیورسٹی میں فائرنگ کے نتیجے میں فیکلٹی ممبرہلاک ہو گیا،مشتبہ شخص کوحراست میں لے لیا گیا۔ غیرملکی خبررساں ادارے کے مطابق فائرنگ کا واقعہ یونیورسٹی آف نارتھ کیرولائناکے چیپل ہل کیمپس میں پیش آیا۔ واقعہ کے بعد یونیورسٹی بند کر دی گئی۔پولیس کی بھاری نفری موقع پر پہنچ گئی۔طلبا کو نقل و حرکت سے روک دیا گیاتاہم دوگھنٹے بعد پولیس نے ہائی الرٹ ختم کردیا۔مقامی پولیس کے سربراہ برائن جیمزنے پریس کانفرنس میں کہا کہ واقعہ کی تحقیقات جاری ہیں تاحال ہلاک ہونے والے شخص اورملزم کی شناخت نہیں بتائی گئی۔یونیورسٹی دنیا کی مشہور جامعات میں سے ایک ہے جہاں 32ہزار طلبا زیرتعلیم ہیں۔
