جوہانسبرگ(مانند نیوز ڈیسک)جنوبی افریقہ کے شہر جوہانسبرگ میں عمارت میں آ تشزدگی سے 63 افراد ہلاک اور 43زخمی ہوگئے۔غیرملکی خبررساں ادارے کے مطابق حکام نے کہا ہے کہ جنوبی افریقہ کے سب سے بڑے شہر میں ایک کثیر المنزلہ عمارت میں آگ لگنے سے 63 افراد جان کی بازی ہار گئے جبکہ 43زخمی ہو گئے۔ایمرجنسی سروسز کے ترجمان رابرٹ مولادزی نے خبردار کیا ہے کہ ہلاکتوں کی تعداد میں مزید اضافہ ہو سکتا ہے کیونکہ مزید افراد اندر پھنس سکتے ہیں۔رابرٹ نے کہا کہ مجھے 20 سال سے زائد سروس میں ہوں لیکن میں نے کبھی ایسا کچھ نہیں دیکھا۔فائر فائٹرز فی الحال منزل سے دوسری منزل تک کام کر رہے ہیں۔فائر فائٹرز نے جائے وقوعہ پر پہنچنے کے بعد مکینوں کو نکال لیا لیکن اب بھی کارروائی جاری ہے، آگ پر کافی حد تک قابو پالیا گیا،کولنگ کا عمل جاری ہے۔