کراچی(مانند نیوز ڈیسک)بلغاریہ سے گندم لے کر بحری جہاز کراچی بندرگاہ پہنچ گیا جس کے بعد آٹے کی قیمتوں میں کمی آنے کی توقع ہے۔بلغاریہ سے 55 ہزار ٹن گندم لانے والا پہلا بحری جہاز کراچی بندرگاہ پہنچ گیا۔ 24 گھنٹوں میں روس سے گندم کے مزید 2 بحری جہاز پہنچ جائیں گے۔ درآمدی گندم آنے سے ملک بھر میں آٹے کی قیمتوں میں نمایاں کمی متوقع ہے۔ اوپن مارکیٹ میں آئندہ چند روز میں گندم کی قیمت 100 سے 200 روپے گرنے کا امکان ہے۔بتایا گیا ہے کہ پنجاب اور سندھ کے درآمدکنندگان اب تک 7 لاکھ 50 ہزار ٹن گندم خرید چکے ہیں، فروری 2024 تک 12 لاکھ ٹن سے زائد گندم پاکستان منگوائے جانے کی توقع ہے۔