لوئر چترال (مانند نیوز)ڈپٹی کمشنر لوئر چترال محمد علی خان کے احکامات کی روشنی میں ضلع بھر میں سیکیورٹی کے سخت انتظامات کر دیے گئے ہیں۔ پولیو مہم کو کامیاب اور پر امن بنانے کے حوالے سے تمام تر وسائل بروئے کار لائے جا رہے ہیں۔ انسدادِ پولیو مہم کے دوران ضلع بھر میں ناکہ بندیوں کو مزید فعال کرنے کیساتھ مشکوک افراد پر کڑی نظر رکھی جارہی ہے۔ ڈپٹی کمشنر محمد علی خان نے والدین سے اپیل کی کہ وہ انسداد پولیو ٹیموں کیساتھ تعاون کریں اور اپنے بچوں کو پولیو سے بچاو کے حفاظتی قطرے ضرور پلائیں۔انہوں نے کہا کہ عوام الناس کسی بھی مشکوک سرگرمی کی اطلاع قریبی پولیس سٹیشن یا ضلعی انتظامیہ کو بروقت دے کر ذمہ دار شہری ہونے کا ثبوت دیں۔ پولیو مہم کو کامیاب کرنا ہم سب کی ذمہ داری ہے تاکہ نئی نسل کو معذوری سے بچایا جاسکے۔