اسلام آباد (مانند نیوز ڈیسک)نگران وفاقی وزیرِ برائے توانائی، بجلی اور پٹرولیم محمد علی 3 روزہ دورے پر روس روانہ ہو گئے۔ وزیرِ توانائی محمد علی ماسکو میں انرجی ویک میں شرکت کریں گے،نگران وزیر کے ہمراہ پاکستانی وفد میں پی ایس او، آئی ایس جی ایس کے حکام اور سیکرٹری پٹرولیم مومن آغا بھی شامل ہیں۔ وزیرِ توانائی کی روس میں خام تیل کے طویل مدتی معاہدے پر بات چیت متوقع ہے، روسی حکام سے پاکستانی وفد سٹریم گیس پائپ لائن تعمیر پر بھی بات کرے گا۔ نگران وزیر کے روس کے دورے کے دوران روس سے ایل این جی درآمد پر بھی بات ہو گی،ماسکو میں انرجی ویک 11 سے 13 اکتوبر تک جاری رہے گا۔