کابل (مانند نیوز ڈیسک)شمال مغربی افغانستان میں ایک بار پھر شدید زلزلے کے جھٹکے محسوس کئے گئے۔ زلزلہ پیما مرکز کے مطابق شمال مغربی افغانستان میں علی الصبح کو آنے والے زلزلے کی شدت ریکٹر سکیل پر 6.3تھی، زلزلے کی گہرائی 10کلومیٹر تھی۔ زلزلے کا مرکز افغانستان کے شہر ہیرات سے 28کلومیٹر کے فاصلے پر تھا۔ افغانستان میں 4روز قبل آنے والے زلزلے سے اموات کی تعداد 4ہزار سے تجاوز کر گئی جبکہ 9ہزار سے زائد افراد زخمی ہیں۔