پشاور(مانند نیوز ڈیسک) پشاور میں چارسدہ روڈ گاڑی پر فائرنگ سے دولہا جاں بحق ہوگیا، اور پولیس کے مطابق قتل کے محرکات تاحال سامنے نہیں آئے۔پشاور کے علاقے چار سدہ روڈ پر نامعلوم افراد نے گاڑی پر فائرنگ کردی، جس کے نتیجے میں گاڑی میں سوار دولہا جاں بحق ہوگیا۔واقعہ کی اطلاع ملتے ہی پولیس اور ریسکیو کی ٹیمیں جائے وقوعہ پر پہنچ گئیں اور لاش کو ہسپتال منتقل کردیا۔پولیس حکام نے کہا کہ قتل کے محرکات تاحال سامنے نہیں آئے، ورثا کے آنے کے بعد مقدمہ درج کیا جائے گا، تاہم جائے وقوعہ سے شواہد جمع کرلئے گئے ہیں اور تفتیش شروع کردی۔