شانگلہ(مانند نیوز)شانگلہ کے مختلف بازاروں میں خود ساختہ ریٹ پر اشیا خوردو نوش کا فروخت جاری۔ ہوٹلوں، ریسٹورنٹس اور کیفیز میں مالکان اپنی مرضی سے پیسے چارج کرنے لگے، کسی کے ساتھ کوئی نرخنامہ موجود نہیں۔ تندور والوں کا اپنا ہی راج۔ روٹیوں کا کوئی وزن کا نظام موجود نہیں۔ ہر طرف خود ساختہ ریٹوں نے عوام کو مزید مشکلات میں ڈال دیا، گزشتہ دو مہینے سے آہستہ آہستہ چیزوں دالوں اور دیگر آشیائے خوردونوش کی قیمتوں میں کمی کے باوجود ہوٹل میں ریٹ کم نہ ہو سکی۔ ڈسٹرکٹ فوڈ، حلال فوڈ زاتھارٹی اور ضلع انتظامیہ فوٹو سیشن میں مصروف ہیں جبکہاشیائے خوردو نوش کے دکاندار اور ہوٹل مالکان عوام کو دونوں ہاتھوں سے لوٹ رہے ہیں۔