اسلام آباد (مانند نیوز ڈیسک)الیکشن کمیشن آف پاکستان نے عام انتخابات 2024 کے سلسلے میں تمام ریٹرننگ افسران کو مراسلہ جاری کر دیا۔الیکشن کمیشن آف پاکستان نے مراسلے کے ذریعے عام انتخابات 2024 کے سلسلے میں ملکی مبصرین اور میڈیا کے ایکریڈیشن کارڈ کے لیے ایس او پیز جاری کیے ہیں۔جاری کیے گئے مراسلے میں کہا گیا ہے کہ تمام میڈیا نمائندگان ایکریڈیشن کارڈ کے لئے درخواست دے سکتے ہیں۔ الیکشن کمیشن کے مراسلے کے مطابق مقامی این جی اوز اور سول سوسائٹی کے نمائندگان بھی ایکریڈیشن کارڈ بنوا سکتے ہیں۔مراسلے میں یہ بھی کہا گیا ہے کہ الیکشن کمیشن انتخابی عمل کے مشاہدے اور کوریج کے لیے زیادہ سے زیادہ سہولت دے گا۔