(مانند نیوز)انڈسٹریل اسٹیٹ ایبٹ آباد، تحصیل حویلیاں کے لیے ٹرانسمیشن لائن بچھانے کے حوالے سے اجلاس ڈپٹی کمشنر ایبٹ آباد خالد اقبال کی زیر صدارت کانفرنس روم ڈپٹی کمشنر آفس منعقد ہوا۔ اجلاس میں لائن بچھانے کے کام میں تعطل کا نوٹس لیا گیا۔ ڈپٹی کمشنر ایبٹ آباد نیاس بات پر زور دیا کہ ملک کی ترقی کے لیے انڈسٹریز کا چلنا انتہائی اہم ہے جس سے لوگوں کے لیے روزگار کے مواقع پیدا ہوں گے اور اس حوالے سے ضلعی انتظامیہ تمام محکمہ جات کے ساتھ مل کر جلد از جلد ٹرانسمیشن لائن کی انسٹالیشن کے کام کو مکمل کروانے میں اپنا کردار ادا کرے گی۔اجلاس میں ایڈیشنل اسسٹنٹ کمشنر حویلیاں لبنی اقبال، ڈپٹی مینجنگ ڈائریکٹر اسمال انڈسٹریز ڈیویلپمنٹ بورڈ، نمائندہ پیسکو ہزارہ ڈویژن، تحصیلدار حویلیاں، فارسٹ، ڈسٹرکٹ پولیس، سی اینڈ ڈبلیو، انوائرمنٹ پروٹیکشن، این ایچ اے اور دیگر ریونیو افسران نے شرکت کی۔