کراچی(مانند نیوز ڈیسک)پاک بحریہ نے بحیرہ عرب میں میری ٹائم سکیورٹی کے حالیہ واقعات کے بعد اپنے بحری جنگ جہازوں کو تعینات کردیا۔ ترجمان پاک بحریہ کے مطابق پاک بحریہ کے جہازوں کی بحیرہ عرب میں پاکستان کے تجارتی راستوں کے حفاظت کو یقینی بنانے کیلئے مسلسل پٹرولنگ جاریی ہے۔ پاک بحریہ کی جانب سے ان تجارتی گزرگاہوں کی مسلسل فضائی نگرانی بھی کی جا رہی ہے۔ اس پٹرولنگ کا مقصد پاکستان اور بین الاقوامی تجارتی بحری جہازوں کی حفاظت کو یقینی بنانا ہے۔ پاک بحریہ کے جنگی جہاز بحیرہ عرب میں اپنی مستقل موجودگی کو یقینی بنانے کیلئے ہمیشہ پٹرولنگ کرتے ہیں،پاک بحریہ خطے میں بحری امن و امان برقرار رکھنے کے حوالے سے اپنی قومی ذمہ داری سے بخوبی آگاہ ہے۔