دیر(مانند نیوز)ڈپٹی کمشنرلوئر چترال محمد عمران خان کے احکامات کی روشنی میں ضلعی انتظامیہ لوئر چترال گرانفروشوں اور ذخیرہ اندوزوں کے خلاف متحرک ہے۔ ڈپٹی کمشنر کی ہدایات پر ایڈیشنل اسسٹنٹ کمشنر ہیڈکوارٹرز عدنان حیدر ملوکی نے چترال بازار میں دکانوں,سبزی فروشوں ہوٹلوں,بیکریز، تندوروں, پولٹری شاپس اور مختلف کاروباری مراکز کا دورہ کیا۔ گرانفروشی، ناقص صفائی، عارضی تجاوزات اور غیر معیاری و زائدالمیعاد اشیاء ضبط کر کے متعلقہ دکانداروں کے خلاف قانونی کارروائی عمل میں لائی گئی- انہوں نے متعدد دکانداروں کو خلاف ورزی کے مرتکب ہونے پر جرمانہ کیا اور ان کے دکانوں کو سیل کر دیا گیااور دیگر کے خلاف مزید قانونی چارہ جوئی کیلئے مراسلہ متعلقہ تھانے کو ارسال کر دیا گیا۔ اس کے علاوہ بیکریز اور ہوٹلوں میں ناقص صفائی پر ہوٹلوں کے خلاف کارروائی عمل میں لائی گئی- تمام ہوٹلوں، پولٹری شاپس, تندوروں اور بیکرز کو متعدد بار تنبیہا ت دی گئی تھیں کہ وہ صفائی ستھرائی کا خاص خیال رکھیں،دکانداروں کو بھی واضح کر دیا گیا تھا کہ وہ اشیاء خوردونوش کی قیمتوں کو سرکاری نرخنامے کے مطابق یقینی بنائیں۔