چترال (مانند نیوز)ضلع لوئر چترال میں انسداد پولیو مہم شروع ہوگیا۔ فل پروف سکیورٹی میں پانچ روزہ پولیو مہم 11 مارچ سے 16 مارچ تک جاری رہے گا۔ ڈپٹی کمشنر لوئر چترال محمد عمران خان کی ہدایات پر ضلع ہذا میں سکیورٹی کے سخت انتظامات کئے گئے ہیں۔پولیو ٹیموں کی سکیورٹی یقینی بنانے کیلئے تمام تر وسائل بروئے کار لائے جا رہے ہیں۔ ڈپٹی کمشنر نے والدین سے اپیل کی ہے کہ وہ انسداد پولیو ٹیموں کیساتھ تعاون کریں اور اپنے بچوں کو پولیو سے بچاؤکے حفاظتی قطرے ضرور پلائیں۔ انہوں نے عوام الناس سے التماس کی کہ کسی بھی مشکوک سرگرمی کی اطلاع قریبی پولیس سٹیشن یا ضلعی انتظامیہ کو بروقت دے کر ذمہ دار شہری ہونے کا ثبوت دیں۔ پولیو مہم کو کامیاب کرنا ہم سب کی ذمہ داری ہے تاکہ نئی نسل کو معذوری سے بچایا جاسکے۔۔ عوام سے گزارش ہے کہ وہ اس مہم کو کامیاب بنانے میں پولیو ٹیمز کے ساتھ تعاون کریں۔
