کرک (مانند نیوز ) ڈپٹی کمشنر کرک مجیب الرحمٰن عوامی خدمت کے پیشِ نظر اپنے دفتر سے نکل کر ویٹنگ ہال میں موجود لوگوں سے گل مِل گئے۔انہو ں نے وہاں عوام کے مسائل سنے۔زیادہ تر مسائل موقع پر ہی حل کروا دیئے جبکہ بعض مسائل متعلقہ حکام کو کارروائی کیلئے بھیج کران پر فوری رپورٹ طلب کی تاکہ غریب عوام کو بروقت ریلیف فراہم کی جاسکے۔ موقع پر موجود لوگوں نے ڈپٹی کمشنر کرک کے اِس احسن اقدام کو سراہتے ہوئے ان کا خصوصی شکریہ ادا کیا۔ ڈی سی کرک نے واضح کیا کہ عوامی مسائل کا حل ان کی اولین ترجیح ہے، کوشش رہتی ہے کہ عوام کو فوری ریلیف فراہم کرکے ان کے مسائل جلد از جلدحل ہوں۔