پشاور(پریس ریلیز) ایپکا ضلع پشاور عہدیداروں نے صوبائی اسمبلی کے بجٹ میں سرکاری ملازمین کے تنخواہوں میں دس فیصد اضافے کو مسترد کرتے ہوئے کہا ہے کہ مہنگائی کے تناسب سے یہ اضافہ ملازمین کیساتھ مذاق کے مترادف ہے اپنے ایک بیان میں ایپکا ضلع پشاور کے سنئر نائب صدر میاں محمد نثار نے کہا ہے کہ صوبائی بجٹ میں سرکاری ملازمین کی تنخواہوں میں اضافہ ملازمین کے ساتھ گھناؤنا مذاق ہے،خود اپنے لیے 300 پرسنٹ کا اضافہ کر رہے ہیں جبکہ سرکاری ملازمین کو 10 پرسنٹ پر ٹرخایا جا رہا ہے جو سراسر نا انصافی ہے انہوں نے کہا کہ اس حوالے سے جلد ائندہ کا لائحہ پیش کیا جائیگا