کوہاٹ (مانند نیوز) ڈپٹی کمشنر کوہاٹ ڈاکٹر عظمت اللہ وزیر کی زیر صدارت ان کے دفتر میں ڈسٹرکٹ ایکسپلوزیو کمیٹی کا اجلاس منعقد ہوا جس میں کمانڈر 115 بریگیڈ، ڈسٹرکٹ پولیس آفیسر، ضلعی انتظامیہ کوہاٹ کے افسران، محکمہ معدنیات اور دیگر متعلقہ محکموں اور اداروں کے حکام نے شرکت کی۔ اجلاس میں مائننگ سرگرمیوں میں استعمال ہونے والے ایکسپلوزیو کے بارے میں تفصیلی بحث کی گئی اور اس سلسلے میں کئی اہم فیصلے کئے گئے۔ڈپٹی کمشنر نے تمام متعلقہ اداروں کو ایکسپلوزیو کے استعمال پر کڑی نظر رکھنے کی تاکید کی اور اس کے ایس او پیز کے مطابق مائننگ سرگرمیوں میں استعمال یقینی بنانے کی ہدایت کی۔