کرک (مانند نیوز)بجلی کی غیر اعلانیہ اور طویل لوڈشیڈنگ کے حوالے سے حکومت خیبر پختونخوا کے احکامات پر عملدرآمد کیلئے ڈپٹی کمشنر کرک مجیب الرحمن کی زیر صدارت اہم اجلاس منعقد ہوا جس میں ڈسٹرکٹ پولیس آفیسر کرک، ایڈیشنل ڈپٹی کمشنر کرک اور جملہ اسسٹنٹ کمشنرز سمیت واپڈا کرک کے حکام اور گرڈ اسٹیشنز کے انچارج نے شرکت کی۔ڈپٹی کمشنر کرک نے واپڈا حکام کو سختی سے ہدایت کی کہ ضلع کرک کے تمام فیڈرز پر شیڈول کے مطابق بجلی کی فراہمی یقینی بنائی جائے اور غیر اعلانیہ اور طویل لوڈ شیڈنگ سے گریز کیا جائے۔مزید برآں بجلی چوری کے خلاف جاری آپریشن کو مزید تیز کیا جائے اور ساتھ ساتھ لیگل میٹرائیزیشن پر بھی خصوصی توجہ دی جائے۔ڈپٹی کمشنر کرک نے عوام سے اپیل کی کہ وہ پرامن رہیں، بجلی کے بقایاجات ادا کریں اور بجلی چوری کے روک تھام اور لائن لاسز میں کمی لانے کیلئے پیسکو کے ساتھ تعاون کریں۔پیسکو حکام نے ڈپٹی کمشنر کوحکومت خیبرپختونخوا کے احکامات پر عملدرآمد کی یقین دہانی کرائی۔