کوہاٹ (مانند نیوز )ڈپٹی کمشنر کوہاٹ عبدالاکرم سے ٹراسپورٹ ایسوسی ایشن کے ایک وفد نے ان کے دفتر میں ملاقات کی اور ٹرانسپورٹ ایسوسی ایشن کے جملہ مسائل بالخصوص نیشنل ہائی وے پر وزن کانٹا کے مسائل کے حوالے سے آگاہ کیا۔ ڈپٹی کمشنر نے ان کے مسائل غور سے سنے اور ان کے حل کی جلد یقین دہانی کرائی۔ ڈپٹی کمشنر نے کہا کہ قومی شاہراہوں کی حفاظت کیلئے کانٹے کا نظام متعارف کرایا ہے لہٰذا اس سلسلے میں ٹرانسپورٹرز کا تعاون بھی ضروری ہے۔انہوں نے یقین دلایا کہ وہ وفد کے مسائل متعلقہ حکام کے نوٹس میں لا کر ان کے حل کیلئے قابلِ عمل لائحہ عمل طے کریں گے۔وفد کے ارکان نے مسائل کے حل میں دلچسپی لینے پر ڈپٹی کمشنر کوہاٹ کا شکریہ ادا کیا اور ان کی عوامی خدمات کو سراہا۔
