ہنگو (مانند نیوز)ضلعی انتظامیہ ہنگو نے وزیراعلیٰ خیبر پختونخوا کے ”عوامی ایجنڈا“پروگرام کی روشنی میں اسسٹنٹ کمشنر دوآبہ نے ضلع کے دور افتادہ علاقے کربوغہ شریف میں کھلی کچہری اور ریونیو دربار کا مشترکہ انعقاد کیا جس میں عمائدین علاقہ اور عام لوگوں کے علاوہ دوآبہ اور ٹل کے تحصیلوں کے ریونیو فیلڈ سٹاف اور متعلقہ محکموں کے حکام نے شرکت کی۔ کھلی کچہری کے شرکاء نے فرداً فرداً اپنے انفرادی اور اجتماعی مسائل تفصیلاً پیش کئے جنہیں متعلقہ حکام نے غور سے سنے۔ زیادہ تر مسائل موقع پر حل کر دیئے گئے جبکہ باقی مسائل متعلقہ محکموں کو ضروری کارروائی کیلئے ڈیڈ لائن کے ساتھ بھجوا دیئے گئے۔ اسسٹنٹ کمشنر نے کہا کہ عوام کو ان مسائل پر پیشرفت سے آگاہ کیا جائے گا اور سرکاری محکموں کے ساتھ اس بارے میں فالو اپ میٹنگ بھی ہو گی۔انہوں نے کہا کہ کھلی کچہری میں جاری کئے گئے احکامات پر عملدرآمد نہ کرنے والوں کے خلاف سخت قانونی کارروائی ہوگی۔عوام نے ضلعی انتظامیہ کے اس اقدام کو سراہا اور یہ سلسلہ آئندہ بھی جاری رہنے کا مطالبہ کیا۔