پشاور میں ‘نویں انٹرنیشنل سولر انرجی میٹ’ کا انعقاد

پشاور (مانند نیوز)چیف سیکرٹری خیبرپختونخوا ندیم اسلم چوہدری نے دو روزہ ‘نویں انٹرنیشنل سولر انرجی میٹ’ نمائش کا پشاور میں افتتاح کیا جس میں 80 سے زائد مقامی اور بین الاقوامی سولر انرجی (شمسی توانائی) سے وابستہ کمپنیاں حصہ لے رہی ہیں۔ چیف سیکرٹری خیبرپختونخوا نے اس موقع پر نمائش میں لگائے گئے اسٹالز کا دورہ کیا۔ چیف سیکرٹری کا کہنا تھا کہ ماحول دوست اور سستی توانائی کے ذرائع کا فروغ وقت کی اہم ضرورت ہے۔اس ضمن میں انٹرنیشنل سولر انرجی میٹ نمائش کا پشاور میں انعقاد نہایت خوش آئند ہے۔ حکومت متبادل توانائی بشمول شمسی توانائی کے ذرائع کو فروغ دینے کے حوالے سے اقدامات کررہی ہے اور یہ ہماری ترجیحات میں شامل ہے۔