شانگلہ(مانند نیوز)شانگلہ سے تعلق رکھنے والے نامور پولیس افسرفضل الٰہی کو ڈی ایس پی کے عہدے پر ترقی دے دی گئی، فضل الٰہی کو گزشتہ روز سب ڈویژنل پولیس افیسر ہیڈ کوارٹر شانگلہ تعینات کر دیا گیا ہے جبکہ پیر کے روزریجنل پولیس افیسرملاکنڈ ڈویژن عرفان اللہ خان نے انہیں ڈی ایس پی رینک کے بیچ لگائے اس موقع پر ڈپٹی کمشنر ملاکنڈ حمید الرحمن،ایس پی ٹریفک سوات حبیب اللہ خان اور سب ڈویژن پولیس افیسر جان زیب خان سمیت دیگر پولیس افسران بھی موجود تھے۔ فضل الٰہی کا تعلق شانگلہ کے بالائی علاقے اولندر سے ہے اور اس کے والد شانگلہ پولیس پر ہونے والی پہلے دھماکے میں شہید ہوئے تھے۔ فضل الٰہی تھانہ الپوری،بشام، پورن،چکیسر سمیت کہی تھانوں میں بطورے ایس ایچ او اپنے فرائض سر انجام دے چکے ہیں اور وہ شانگلہ پولیس کے قابل افیسران میں شمار ہوتے ہیں شانگلہ کے مختلف سیاسی سماجی اور دیگر حلقوں کی جانب سیفضل الٰہی کو بطور سب ڈویژنل پولیس افیسر ہیڈ کوارٹر شانگلہ الپوری تعیناتی پر خیر مقدم کیا گیا ہے اور یہ امید ظاہر کی گئی ہے کہ فضل الٰہی اپنے ماضی کی خدمات کی طرح پولیس میں اپنے فرائض سر انجام دیں گے اور عوام کے حقوق کا بھی خیال رکھیں گے۔۔