اس وقت تک پی ٹی آئی اور حکومت میں کوئی مذاکرات نہیں ہوئے: شوکت یوسفزئی

اسلام آباد (مانند نیوز)پاکستان تحریکِ انصاف (پی ٹی آئی) کے رہنما شوکت یوسفزئی کا کہنا ہے کہ اس وقت تک پی ٹی آئی اور حکومت میں کوئی مذاکرات نہیں ہوئے ہیں۔

’جیو نیوز‘ سے گفتگو کرتے ہوئے انہوں نے کہا کہ حکومت سے مذاکرات شروع ہوتے ہیں تو سول نافرمانی کی کال واپس لی جائے گی۔

شوکت یوسفزئی کا کہنا ہے کہ مذاکراتی عمل شروع نہیں ہوا تو حکومت سول نافرمانی تحریک کے لیے تیار ہو جائے۔

سنجیدہ مذاکرت نہ کیے تو 14 دسمبر سے سول نافرمانی کا اعلان ہوگا، شوکت یوسفزئی

انہوں نے کہا کہ ہم مذاکرات پر یقین رکھتے ہیں، لیکن حکومت غیر سنجیدہ ہے، مذاکراتی عمل میں ہمیشہ حکومت پہل کرتی ہے، اپوزیشن نہیں۔

پی ٹی آئی کے رہنما کا کہنا ہے کہ حکومت ہوش کے ناخن لے اور اپوزیشن سے مذاکرات کرے۔