جنوبی وزیرستان (مانند نیوز) وانا میں نوجوان صحافی احسان خان احمدزئی رات کو دل کا دورہ پڑنے سے انتقال کرگئے، احسان خان احمد زئی صحافتی سرگرمیوں کے علاوہ درس و تدریس کے شعبے سے بھی وابستہ رہے وہ انتہائی مخلص اور ذہین نوجوان تھے۔وانا یونین آف جرنلسٹس احسان خان احمد زئی کے انتقال پر غمزدہ ہے اور لواحقین سے ہمدردی کا اظہار کرتے ہیں اور اس مشکل گھڑی میں غمزدہ خاندان کے ساتھ برابر کے شریک ہیں۔ اس سلسلے میں وانا یونین آف جرنلسٹس کے چیئرمین آدم خان وزیر کی جانب سے جاری ایک بیان میں کہا گیا ہے کہ صحافی احسان احمد زائی کی موت نہ صرف صحافیوں بلکہ معاشرے کیلئے ایک ناقابل تلافی نقصان ہے۔ اسکی قابلیت اور ذہانت صحافی برادری ہمیشہ کمی محسوس کی جائے گی۔ اور صحافی برادری ایک اچھے ساتھی سے محروم ہوگئے۔