پشاور (مانند نیوز) پاکستان مسلم لیگ خیبر پختونخوا کے صدر انتخاب خان چمکنی نے سرکاری ملازمین کے حقوق کے تحفظ اور ان کے ساتھ ہونے والی زیادتیوں پر شدید تحفظات کا اظہار کرتے ہوئے کہا ہے کہ صوبائی حکومت کی جانب سے سرکاری ملازمین کے جائز مطالبات کو نظر انداز کرنا اور ان کے پرامن دھرنے پر طاقت کا بے جا استعمال غیر جمہوری اور غیر آئینی رویے کی عکاسی کرتا ہے۔ انہوں نے کہا کہ سرکاری ملازمین ریاست کے ستون ہیں، جن کے مسائل کو حل کرنا حکومت کی بنیادی ذمہ داری ہے۔