ایبٹ آباد (مانند نیوز) ھانہ غازی کی حدود میں بزرگ شہری پر پولیس اہلکار کے تشدد کا واقعہ سامنے آنے پر ڈی آئی جی ہزارہ ناصر محمود ستی نے فوری نوٹس لے لیا۔ واقعے کی خبر سوشل میڈیا پر وائرل ہونے کے بعد ڈی آئی جی ہزارہ نے فوری کارروائی کرتے ہوئے تشدد میں ملوث ایس ایس یو کنسٹیبل الیاس (ڈرائیور) کو معطل کر دیا اور واقعے کی شفاف انکوائری کے لیے ڈی پی او ہری پور فرحان خان کو ہدایات جاری کر دیں۔ڈی آئی جی ہزارہ ناصر محمود ستی نے اپنے بیان میں کہا کہ شہریوں کے جان و مال کا تحفظ محکمہ پولیس کی اولین ذمہ داری ہے اور کسی بھی اہلکار کو اختیارات کے ناجائز استعمال کی اجازت نہیں دی جائے گی۔