باجوڑ (مانند نیوز)خیبر پختونخوا حکومت کے عوامی ایجنڈا کے تحت اور ڈپٹی کمشنر باجوڑ شاہد علی خان کی ہدایت پر ایڈیشنل اسسٹنٹ کمشنر ناوگئی ارشد خان نے کوزہ اڈہ بازار ناوگئی کا دورہ کیا۔ عوامی شکایات اور ایک افسوس ناک واقعہ کے بعد ایڈیشنل اسسٹنٹ کمشنر ناوگئی نے کیمیکل دھاگوں اور بچوں کے پٹاخے اور دیگر خطرناک اشیاء کی مدد سے اڑانے والی پتنگوں کے خلاف مختلف دکانوں پر چھاپے مارے اور کارروائی کی۔ خطرناک اشیاء کو قبضہ میں لے لیا گیا۔اور مذید قانونی کاروائی کیلئے فروخت کرنے والوں کے خلاف مقدمہ درج کرکے مذکورہ سامان ضبط کیا گیا۔ انہوں نے دکانداروں کو سختی سے ہدایت کی کہ اگر کسی بھی دکاندار سے ممنوعہ اشیاء برآمد ہوئیں تو ان کے خلاف قانونی کارروائی کی جائے گی۔ اس سلسلے میں مزید چھاپے اور تلاشیوں کا سلسلہ جاری رہے گا تاکہ ضلع بھر میں پٹاخوں، پھتنگ اور ماچس بم کی خرید و فروخت پر مکمل طور پر قابو پایا جا سکے۔ اس کے علاوہ انہوں نے بازارمیں سبزیوں اور پھلوں کی مختلف دکانوں کا بھی معائنہ کیا۔ انہوں نے تمام دکانداروں کو سختی سے ہدایات کی کہ وہ ضلعی انتظامیہ کی جانب سے نوٹیفائیڈ پرائس لسٹیں نمایاں طور پر آویزاں کریں اور حفظان صحت کے معیارات کو یقینی بنائیں۔