دیربالا(مانند نیوز)ضلعی انتظامیہ دیر بالا کی جانب سے میٹرک امتحانات 2025 کے شفاف و پرامن انعقاد کے لیے مؤثر اقدامات ڈپٹی کمشنر دیر نوید اکبر کی خصوصی ہدایات پر اسسٹنٹ کمشنر واڑی عبدالقیوم خان نے 8 اپریل 2025 سے شروع ہونے والے سالانہ میٹرک امتحانات کے سلسلے میں تحصیل واڑی کے مختلف امتحانی مراکز کا تفصیلی دورہ کیا۔دورے کے دوران اسسٹنٹ کمشنر واڑی نے امتحانی مراکز میں سیکیورٹی انتظامات، سی سی ٹی وی نگرانی، امتحانی عملے کی حاضری، طلباء کے لیے بنیادی سہولیات، اور نقل کی روک تھام کے لیے کیے گئے اقدامات کا باریک بینی سے جائزہ لیا۔ اسسٹنٹ کمشنر واڑی نے مرکز انچارجز کو ہدایت دی کہ تمام ضابطہ اخلاق پر سختی سے عمل درآمد کو یقینی بنایا جائے تاکہ امتحانات کا انعقاد منظم اور شفاف طریقے سے ممکن ہو سکے۔