کوہاٹ (مانند نیوز)ضلعی سٹیرنگ کمیٹی برائے رائٹ ٹو پبلک سروسز کمیشن کا اہم اجلاس منعقد ہوا جس کی صدارت ایڈیشنل ڈپٹی کمشنر(ریلیف) کوہاٹ وقاص خان نے کی۔اجلاس میں دوسروں کے علاوہ تحصیل میونسپل ایڈمنسٹریشن، صحت، ٹرانسپورٹ، بلدیات اور دیگر متعلقہ محکموں اور اداروں کے حکام نے بھی شرکت کی۔ ضلعی مانیٹرنگ آفیسر تاشفین اسرار نے میٹنگ کے اعراض ومقاصد بیان کرنے کے علاوہ آر ٹی ایس کمیشن کے ذریعے فراہم کی جانے والی خدمات کی جامع رپورٹ، خدمات میں عدم تعمیل، آگاہی مہم اور دیگر اقدامات پر بھی تفصیلی بریفننگ دی۔ اس موقع پر ایڈیشنل ڈپٹی کمشنر کوہاٹ نے تمام سرکاری دفاتر کو عوام کی سہولت کیلئے خدمات سے متعلق تمام تر معاملات کو خصوصی توجہ دیکر ضلعی اور تحصیل سطح پر آسانیاں پیدا کرنے اور اقدامات کو یقینی بنانے کی ہدایت کی تاکہ عوام بہتر انداز میں مستفید ہوسکیں۔ ایڈیشنل ڈپٹی کمشنر نے متعلقہ حکام کو اپنی کارکردگی مزید بہتر بنانے کیلئے ضروری ہدایات جاری کیں۔