دیر بالا (مانند نیوز)وزیر اعلیٰ خیبر پختونخوا کے عوامی ایجنڈا کے تحت ڈپٹی کمشنر نوید اکبر کی ہدایات پر ایڈیشنل اسسٹنٹ کمشنر دیر سہیل احمد نے تحصیل لرجم میں مختلف بازاروں اور کرش پلانٹس کا تفصیلی معائنہ کیا۔ایڈیشنل اسسٹنٹ کمشنر دیر نے داروڑہ بازار کا اچانک دورہ کیا اور اشیائے خوردونوش کی دکانیں،ہوٹل اور اسٹورز کا معائنہ کیا، قوانین کی خلاف ورزی پر جرمانے عائد کئے گئے۔ اس کے علاوہ مختلف کرش پلانٹس کا معا ئنہ کیا۔ معائنے کے دوران غیر قانونی کرش پلانٹ کو سیل کر دیا گیا جبکہ دیگر کو نوٹسز جاری کیے گئے۔ انہوں نے کہا کہ قانون پر سختی سے عملدرآمد اور غیر قانونی سرگرمیوں کا خاتمہ ضلعی انتظامیہ دیر بالا کی اولین ترجیح ہے، اور اس سلسلے میں کوئی رعایت نہیں برتی جائے گی۔