پشاور (مانند نیوز)گورنر خیبرپختونخوا فیصل کریم کنڈی سے پاکستان سائیکلنگ فیڈریشن کے وفد نے ہفتہ کے روز گورنر ہاؤس پشاور میں ملاقات کی. وفد کی قیادت سید اظہر علی شاہ کر رہے تھے. ملاقات میں خیبرپختونخوا سمیت ملک بھر میں سائیکلنگ کے فروغ سے متعلق امور پر تبادلہ خیال کیا گیا. گورنر خیبرپختونخوا نے سائیکلنگ کے کھیل کے فروغ میں پاکستان سائیکلنگ فیڈریشن کی کوششوں کو سراہا اور کہا کہ سائیکلنگ ایک صحت افزا اور عالمی سطح پر مقبول کھیل ہے، خیبرپختونخوا میں عالمی سائیکلنگ کے مقابلوں کیلئے فضا ہموار کریں گے، گورنر نے کہا کہ صوبہ میں تمام شعبوں میں کھلاڑیوں کی حوصلہ افزائی کیلئے ایپلیکیشن کا اجراء کیا ہے، ملاقات میں سید اظہر علی شاہ کی زیر قیادت وفد نے صوبہ میں اسپورٹس ٹیلنٹ کی حوصلہ افزائی پر گورنر خیبر پختونخوا کو خراج تحسین پیش کیا. #