برطانیہ (مانند نیوز)برطانیہ میں محکمہ موسمیات کی جانب سے برفباری ہونے کا امکان ظاہر کیا گیا ہے جبکہ امبر اور یلو وارننگز بھی جاری کردی گئی ہیں۔
برطانوی میڈیا کی رپورٹ کے مطابق اسکاٹ لینڈ میں شدید برفباری ہونے کا امکان ہے جس کے بعد ٹرانسپورٹ متاثر ہوسکتی ہے۔
رپورٹ میں بتایا گیا ہے کہ پورے برطانیہ میں سردی کی لہر ہے، انگلینڈ کے لیے امبر کولڈ ہیلتھ الرٹ جاری کیا گیا ہے۔
برطانیہ میں شدید برفباری کی پیشگوئی، وارننگ جاری
رپورٹ کے مطابق اسکاٹ لینڈ کے کئی علاقوں میں 40 سینٹی میٹر تک برف پڑنے کا امکان ہے۔
رپورٹ میں مزید بتایا گیا ہے کہ میٹ آفس نے ریل اور فضائی سروسز میں تاخیر اور منسوخی کا خدشہ ظاہر کرتے ہوئے شہریوں کو غیر ضروری سفر کرنے سے گریز کرنے کی ہدایت کی ہے۔
رپورٹ کے مطابق اسکاٹ لینڈ کے خراب موسم میں پولیس نے سفر مؤخر کرنے کا مشورہ دیا ہے جبکہ انگلینڈ، ویلز اور شمالی آئرلینڈ کے لیے یلو وارننگ برقرار ہے۔