وانا (مانند نیوز) ڈسٹرکٹ ہیلتھ آفس جنوبی وزیرستان لوئر کی جانب سے ڈاکٹر فہیم وزیر کو این اسٹاپ آفیسر جنوبی وزیرستان لوئر کی حیثیت سے تعیناتی پر دلی خوش آمدید کہا گیا ہے۔ اس موقع پر ڈسٹرکٹ ہیلتھ آفیسر جنوبی وزیرستان لوئر ڈاکٹر عدنان نے اس عزم کا اظہار کیا گیا کہ تمام متعلقہ محکمے باہمی تعاون سے معمول کے حفاظتی ٹیکہ جات، پولیو کے مکمل خاتمے، اے ایف پی سرویلنس اور آؤٹ ریچ سروسز کو مزید مؤثر اور فعال بنائیں گے۔ڈسٹرکٹ ہیلتھ آفیسر ڈاکٹر عدنان کے مطابق اس مشترکہ کوشش کا مقصد یہ یقینی بنانا ہے کہ جنوبی وزیرستان لوئر کا کوئی بھی بچہ حفاظتی ٹیکہ جات سے محروم نہ رہے اور ہر بچے تک صحت کی بنیادی سہولیات بروقت پہنچ سکیں۔ حکام نے امید ظاہر کی کہ ڈاکٹر فہیم وزیر کی قیادت میں ویکسینیشن پروگرام میں بہتری آئے گی اور عوامی صحت کے اہداف کے حصول میں نمایاں پیش رفت ہوگی۔