اسلامآباد (مانند نیوز)امریکی صدر ڈونلڈ ٹرمپ کے بیجنگ کے دورے کے ختم ہونے کے کئی دن بعد ایک نئی بحث نے جنم لے لیا ہے۔ ایک چینی بلاگر جینیفر زینگ نے دعویٰ کیا ہے کہ چینی حکومت نے امریکی وفد اور اہم شخصیات کی نگرانی کے لیے خفیہ فوجی اہلکار ویٹریس کے روپ میں تعینات کی تھیں۔چینی بلاگر کے مطابق سرکاری عشائیے میں ایلون مسک کے پیچھے کھڑی ایک خاتون دراصل چینی فوج کی اعلیٰ افسر ’میجر چینگ چینگ‘ تھیں۔جینیفر زینگ کا یہ دعویٰ سوشل میڈیا پر جنگ کی آگ کی طرح پھیل گیا ہے۔ اُنہوں نے سوشل میڈیا پر چند تصاویر شیئر کرتے ہوئے کہا ہے کہ یہی خواتین بعد میں فوجی وردی میں بھی دیکھی گئیں۔زینگ نے مزید دعویٰ کیا ہے کہ مذکورہ خاتون چینی فوجی تقریبات کے آپریشنل دستور تیار کرنے والی اہم افسر ہیں۔ٹرمپ کیساتھ چین سے روانگی سے قبل امریکی عملے نے چینی حکام کی دی گئی ہر چیز وہیں پھینک دی سوشل میڈیا پر وائرل ایک پوسٹ میں اُنہوں نے یہاں تک دعویٰ کیا ہے کہ خاتون کے سرخ لباس کے نیچے ممکنہ طور پر ہتھیار بھی موجود تھا۔ان دعوؤں کی آزادانہ تصدیق نہیں ہو سکی ہے جبکہ چینی حکومت نے بھی اس معاملے پر تاحال کوئی ردِعمل نہیں دیا ہے۔واضح رہے کہ ماضی میں بھی چین پر مغربی ممالک کی جانب سے خفیہ نگرانی اور جاسوسی کے الزامات لگتے رہے ہیں۔