وانا (مانند نیوز ) خیبر پختونخوا یوتھ پالیسی 2026 کے تحت، ڈائریکٹر امورِ نوجوانان خیبر پختونخوا، عباس خان آفریدی، اور ڈپٹی کمشنر جنوبی وزیرستان لوئر، مسرت زمان، کی ہدایات پر ڈسٹرکٹ یوتھ آفس جنوبی وزیرستان لوئر نے اے سی ایف کے تعاون سے ایف سی اے تائزہ گیٹ، وانا میں 7 روزہ مؤثر ابلاغ اور پیشہ ورانہ ترقی پر مبنی تربیتی پروگرام کا کامیاب انعقاد کیا۔اس تربیت کا مقصد شرکاء کی مؤثر ابلاغ، قائدانہ صلاحیتوں، اجتماعی کام (ٹیم ورک) کی مہارت اور پیشہ ورانہ صلاحیتوں کو فروغ دینا تھا تاکہ وہ اپنی تعلیمی، عملی اور ذاتی زندگی میں بہتر کارکردگی کا مظاہرہ کر سکیں۔تربیتی پروگرام کی اختتامی تقریب میں کامیابی سے تربیت مکمل کرنے والے تمام شرکاء میں اسناد تقسیم کی گئیں اور ان کی محنت، لگن اور کامیابی کو سراہا گیا۔ڈسٹرکٹ یوتھ آفس جنوبی وزیرستان لوئر اس کامیاب اقدام کو ممکن بنانے پر اے سی ایف، تربیت فراہم کرنے والے ماہرین اور تمام شرکاء کا تہہ دل سے شکریہ ادا کرتا ہے، جن کے بھرپور تعاون اور فعال شرکت نے اس پروگرام کو کامیاب بنایا۔