مردان (مانند نیوز ڈیسک) مردان میں نامعلوم افراد نے فائرنگ سے انسداد پولیو ٹیم کی سکیورٹی پر مامور 2پولیس اہلکار شہید ہوگئے۔ پولیس کے مطابق مردان میں انسداد پولیوٹیم پر نامعلوم افراد نے فائرنگ کی جس کے نتیجے میں سکیورٹی پر مامور2 پولیس اہلکار شہید ہوگئے ہیں،لاشوں کو مردان ہسپتال منتقل کردیا گیا،شہید پولیس اہلکاروں میں سید رضا علی شاہ اور شاکر شامل ہیں۔موٹرسائیکل سوارملزمان فائرنگ کرنے کے بعد فرار ہوگئے۔ پولیس نے بتایا کہ ملزمان کی تلا ش جاری اور علاقے کو گھیرے میں لے لیا گیا۔