لاہور (مانند نیوز ڈیسک) شوگر ملز اسکینڈل میں مسلم لیگ ن کے صدر شہباز شریف ایف آئی اے لاہور آفس میں پیش ہو گئے۔ ایف آئی اے کی چار رکنی تحقیقاتی ٹیم نے شہباز شریف سے تفتیش کی۔چینی اسکینڈل کیس میں ایک اور بڑی پیشی مگر اب کے بار حکومتی نہیں بلکہ اپوزیشن لیڈر میاں شہباز شریف ہی ایف آئی اے کی تحقیقاتی ٹیم کے رو برو پیش ہوئے۔ کارکنان کی بڑی تعداد اپنے قائد کے استقبال کے لئیے ایف آئی سے دفتر پہنچے اور خوب نعرے بازی بھی کرتے رہے۔ایف آئی اے کی چار رکنی تحقیقاتی ٹیم نے شہباز شریف سے ایک گھنٹہ تک تفتیش کی جبکہ شہباز شریف کو ارسال کردہ بیس سوالات کے جوابات بھی طلب کئیے۔شہباز شریف کی ایف آئی اے میں پیشی کے موقع پر ایف آئی اے آفس کے اطراف سکیورٹی کے سخت انتظامات کئیے گئے،پولیس حکام نے کسی بھی کارکن کو ایف آئی اے بلڈنگ کے قریب جانے کی اجازت نہ دی۔