پبی (مانند نیوز ڈیسک) تھانہ پبی پولیس نے اسلحہ اسمگل کرنے کی کوشش ناکام بنادی۔خود کار اسلحہ اور ہزاروں کارتوس برآمدملزم گرفتارڈسٹرکٹ پولیس افیسر ڈاکٹر محمد اقبال کے احکامات پر پائیدار امن کیلئے مختلف مقامات پر ناکہ بندیاں کی گئی ہے۔اسی سلسلے میں شاد علی ایس ایچ او پبی نے پولیس نفری کے ہمراہ جی ٹی روڈ تارو جبہ کے مقام پر ناکہ بندی کی تھی۔مشکوک گاڑیوں کی نقل و حرکت پر کڑی نگرانی کی جا رہی تھی۔ایک سوزوکی کو روکا گیا۔سوزوکی نمبری 2796/مردان کی تلاشی لینے پر سوزوکی کے خفیہ خانوں سے 03 عدد ریپیٹر،02 عدد پستول،ایک کلاشنکوف، ایک رائفل کلاشنکوف نما،09عدد میگزین اور 12 ہزار کاروتوس برآمد کر لئے گئے۔ملزم عابد ولد عبدالحنان ساکن درہ آدم خیل کو موقع پر گرفتار کرکے مزید تفتیش کیلئے تھانہ پبی منتقل کر دیا گیا