کوئٹہ (مانند نیوز ڈیسک) کوئٹہ میں سرکاری ہسپتالوں کی او پی ڈیز میں ینگ ڈاکٹرز کی ہڑتال12 ویں روز بھی جاری رہی۔ینگ ڈاکٹرز ایسوسی ایشن کی جانب سے اپنے مطالبات کے حق میں سرکاری ہسپتالوں کی اوپی ڈیز میں ڈیوٹی کے بائیکاٹ اور ہڑتال کے باعث او پی ڈیز ہی بند رہیں۔ ینگ ڈاکٹرز کے مطابق ہسپتالوں میں آپریشن تھیٹرز کا بھی جزوی بائیکاٹ کیا جارہا، صرف ایمرجنسی آپریشن کئے جا رہے ہیں۔ترجمان ینگ ڈاکٹرز کے مطابق ہڑتال ہسپتالوں میں ادویات کی قلت، طبی سہولتوں کے فقدان اور ہسپتالوں کی نجکاری کے مجوزہ پروگرام کے خلاف کی جا رہی ہے۔ ڈاکٹروں کی مسلسل ہڑتال کے باعث ہسپتالوں میں آنے والے مریضوں کو شدید پریشانی کا سامنا رہا۔
