اسلام آباد (مانند نیوز ڈیسک) پیٹرولیم مصنوعات کی قیمتوں میں اضافہ کر دیا گیا ۔وزارت خزانہ کی جانب سے پیٹرولیم مصنوعات کی قیمتوں میں اضافے کے جاری نوٹیفکیشن کے مطابق پیٹرول کی فی لیٹر قیمت 10 روپے 49 پیسے بڑھا دی گئی جس کے بعد فی لیٹر پیٹرول کی قیمت 137روپے79 پیسے ہوگئی۔ مٹی کا تیل 10روپے 95 پیسے مہنگا کیا گیا جس کے بعد ایک لیٹر مٹی کا تیل 110روپے 26 پیسے کا ہوگیا۔ہائی سپیڈ ڈیزل کی قیمت میں 12روپے 44 پیسے اضافہ کیا گیا ہے اور نئی ہائی اسپیڈ ڈیزل کی قیمت 134 روپے 48 پیسے ہوگئی ہے۔لائٹ ڈیزل آئل کی قیمت میں 8 روپے 84 پیسے اضافہ کیا گیا ہے جس کے بعد ایک لیٹر لائٹ ڈیزل آئل 108 روپے 35 پیسے کا ہوگیا ہے۔ نئی قیمتوں کا اطلاق کر دیا گیا، نئی قیمتیں 15 روز کے لئے نافذ ہوں گی۔