خرطوم (مانند نیوز ڈیسک) سوڈان میں سونے کی کان دھنسنے سے ہلاکتوں کی تعداد 38 تک پہنچ گئی۔غیرملکی میڈیا کے مطابق، واقعہ منگل کے روز پیش آیا جس میں سوڈان کے وسطی صوبے کردفان میں سونے کی کان دھنسنے سے ہلاک ہونیوالے مزدوروں کی تعداد 38تک پہنچ گئی۔سوڈان کی مقامی منرل ریسورس کمپنی نے کہا کہ واقعہ میں 8 افراد زخمی بھی ہوئے جنہیں فوری طبی امداد کے لیے ہسپتال منتقل کیا گیا۔ حکام نے کہا کہ واقعہ دارالحکومت خرطوم سے 700 کلو میٹر دور کے علاقے میں پیش آیا۔حکام کے مطابق اس کان میں کام باضابطہ طور پر بند تھا تاہم مقامی مزدوروں نے اپنی مدد آپ کے تحت اس میں کام شروع کیا جس کے بعد واقعہ پیش آیا۔