مردان (مانند نیوز ڈیسک) مردان کے گاؤں خوڑ میں کمرے کی چھت گرنے سے ماں اور 2بچے جاں بحق جبکہ 2 زخمی ہوگئے۔تفصیلات کے مطابق مردان کی تحصیل تخت بھائی کے نواحی گاؤں خوڑ میں مکان کی چھت گرنے کے باعث ملبے تلے آکر ماں اور اس کے 2بچے جاں بحق ہوگئے۔پولیس حکام کے مطابق واقعہ کی اطلاع ملتے ہی اہل علاقہ اور ریسکیو و پولیس کی ٹیمیں جائے حادثہ پرپہنچ گئیں تاہم ریسکیو آپریشن کے دوران ایک خاتون اور دو بچے دم توڑ چکے تھے، جب کہ ملبے تلے آکر دو افراد زخمی بھی ہوئے جنہیں ہسپتال منتقل کردیا گیا۔
