نوشہرہ کے یوٹیلٹی اسٹورز پر آٹا اور چینی ناپید ہوگئے

نوشہرہ  (مانند نیوز ڈیسک) کے یوٹیلٹی اسٹوروں پر گزشتہ دو ماہ سے آٹا، گھی اور چینی ناپید ہوگئے ہیں۔جب کہ نوشہرہ کے اوپن مارکیٹ میں تاجروں کی جانب سے اشیائے خوردونوش کی قیمتوں میں خود ساختہ اضافے سے عوام  شدید پریشان ہوگئے ہیں۔۔۔ہم نے جب یوٹیلٹی اسٹورز کے منیجروں سے بات کی تو پتہ چلا کہ حکومت کی جانب سے احساس راشن کارڈ کی اجراء تک  چینی گھی اور آٹا کی فراہمی بند ہے جبکہ شہری کہتے ہیں کہ پہلے ہی مہنگائی سے پریشان ہے جبکہ اوپن مارکیٹ میں آٹے اور گھی کی قیمتیں آسمان کو پہنچ گئی ہیں۔۔شہریوں کا کہنا ہے کہ آٹے کی 20 کلو والے تھیلے کی قیمت 1650 روپے تک جا پہنچی ہے جبکہ ایک کلو والے گھی کی پیکٹ راتوں رات 400 روپے ہوگئی۔۔۔جبکہ انتظامیہ کی جانب سے مکمل خاموشی اختیار کرلی گئی ہیں کوئی چیک ان بیلنس نہیں جس کے باعث اشیائے خورد نوش کی قیمتوں میں خود ساختہ اضافے کئے جارہے ہیں۔۔جبکہ حکومت کی جانب سے بھی آئے روز مہنگائی میں اضافہ ہورہا ہے جس سے عوام  شدید ذہنی دباو کے شکارہوگئے ہیں