سوات (مانند نیوز ڈیسک) ضلع شانگلہ کے بشام سب جیل میں قیدیوں کے لئے سپورٹس اینڈ میوزک فیسٹول کا انعقاد کیا گیا تھا۔ سپورٹس مقابلوں میں رسہ کشی، بیڈمنٹن، والی بال، لوڈو اور میوزیکل چیئر کے مقابلے شامل تھے۔ قیدی کھیلوں کے مقابلوں سے بہت پر جوش دکھائے دیئے اور ہر مقابلے میں بڑھ چڑھ کر حصہ لیا۔سپورٹس اینڈ میوزک فیسٹول کا اہتمام ڈسٹرکٹ سپورٹس آفیسر ضلع شانگلہ تحسین اللہ نے کیا تھا۔ اختتامی تقریب میں اسسٹنٹ کمشنر بشام انیک انور اور ایڈیشنل ڈسٹرکٹ اینڈ سیشن جج اسلام الدین نے خصوصی شرکت کی اور جیتنے والے قیدیوں میں انعامات تقسیم کئے۔