راولپنڈی (مانند نیوز ڈیسک) عوامی مسلم لیگ کے سربراہ شیخ رشید احمد نے کہا ہے کہ عنقریب حکومت کا سیاسی جنازہ دھوم سے نکلے گا، عوام کو مہنگائی کے اور ٹیکے لگیں گے۔سماجی رابطے کی ویب سائٹ ٹوئٹر پر اپنے جاری کردہ بیان میں شیخ رشید نے کہا کہ پٹرول میں 15روپے اور ڈیزل میں 14روپے اضافے کے بعد جولائی میں مہنگائی کے اور ٹیکے لگیں گے۔ انہوں نے کہا کہ عوام کو ریلیف نہیں تکلیف ملے گی، لوگ گھریلو سامان بیچ کر گزارا کررہے ہیں اور ابھی بجلی کا بل بھی آنا ہے۔انہوں نے کہا کہ ووٹ بیچنے والے کو عہدے اور پارٹی ٹکٹ مل رہے ہیں، عنقریب حکومت کا سیاسی جنازہ دھوم سے نکلے گا۔
