پشاور (مانند نیوز ڈیسک) نشے سے پاک پشاور مہم کا دوسرا مرحلہ اختتام پذیر ہو گیا۔تین ماہ کے علاج کے بعد مکمل طور پر صحت یاب ہونے والے 470 افراد خاندانوں کے حوالے کردیئے گئے۔ اب تک دونوں مرحلوں میں 2430 افراد صحت یاب ہوکر زندگی کی طرف لوٹ گئے ہیں جن میں 96 بچے اور 25 خواتین بھی شامل ہیں۔دوسرے مرحلے میں پہلے مرحلے کے 120 افراد کا بھی علاج کیا گیا جو کہ دوبارہ نشے کی جانب راغب ہو چکے تھے۔نشے سے پاک پشاور مہم کی اختتامی پروگرام کا انعقاد طہماس خان فٹ بال سٹیڈیم نزد شاہی باغ پشاور میں کیا گیا۔ تقریب میں کمشنر پشاور ڈویژن ریاض خان محسودکے علاوہ بحالی مراکز کے منتظمین اور صحت یاب ہونیوالے 470افراد اور ان کے رشتہ داروں کی بڑی تعداد نے شرکت کی۔تقریب سے خطاب کرتے ہوئے کمشنر پشاور ڈویژن ریاض خان محسود نے اس عزم کا اظہار کیا کہ نشے سے پاک پشاور مہم جاری رہے گی۔انہوں نے مہم کی بھرپور کامیابی پر ضلعی انتظامیہ،محکمہ سوشل ویلفیئر،محکمہ ایکسائز اینڈ ٹیکسیشن،بحالی مراکز کے منتظمین سوشل ورکرز اور صحافیوں کو زبردست الفاظ میں خراج تحسین پیش کیا۔

By Manend Team

Manend, a top Pakistani Media can be seen on, Facebook ,Youtube, Twitter etc. Manend Media provides News in Peshawar, Kohat, Bannu, DI Khan, Mardan, Hazara , Abattablad, Malakand, Pakistan , Pakhtunkhwa in Urdu and English and Pashto Language of Latest and Breaking Nature consisting of News, Education Opinion and Entertainment

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے