کراچی (مانند نیوز) سندھ کابینہ نے نئے مالی سال 27-2026ء کے صوبائی بجٹ کی منظوری دے دی۔
حکومتی ذرائع کے مطابق سندھ کے مالی سال 27-2026ء کے لیے 2.7 ٹریلین روپے سے زائد بجٹ تخمینے کا امکان ہے۔
صوبے کے غیر ترقیاتی بجٹ کے لیے 2 ہزار 560 ارب روپے مختص کرنے کی تجویز ہے۔
صوبائی کابینہ کے اجلاس میں وزیرِ اعلیٰ سندھ سید مراد علی شاہ نے کہا کہ نئے سال کے بجٹ میں ہر طبقے کا خیال رکھا گیا ہے۔
انہوں نے کہا کہ سندھ حکومت بلاول بھٹو کی ہدایت پر غربت کے خاتمے کے لیے خصوصی اقدامات کر رہی ہے۔
وزیرِ اعلیٰ سندھ سید مراد علی شاہ نے کہا کہ محنت کشوں کے لیے کم از کم اجرت کا بھی نئے بجٹ میں فیصلہ کیا ہے۔
وزیرِ اعلیٰ سندھ سید مراد علی شاہ آج سہ پہر سندھ اسمبلی میں بجٹ پیش کریں گے۔
واضح رہے کہ مراد علی شاہ کے پاس گزشتہ ایک دہائی سے سندھ کی وزارتِ خزانہ کا قلمدان بھی ہے۔